ಹಿಡ್ಕ ವಸಿ ತಡ್ಕ ಅಂತ ಹಾಡಿ ಕುಣಿದರಂತೆ ಬ್ರಹ್ಮಚಾರಿ ಸತೀಶ!

[adning id="4492"]

ಯೋಗ್ಯ ಮತ್ತು ಚಂಬಲ್ ಚಿತ್ರಗಳ ನಂತರ ನಟ ನೀನಾಸಂ ಸತೀಶ್ ಅವರ ಗೆಲುವಿನ ರಥದ ಗಾಲಿಗಳ ವೇಗ ಹೆಚ್ಚಿಕೊಂಡಿದೆ. ಜೇಕಬ್ ವರ್ಗೀಸ್ ನಿರ್ದೇಶನದ ಚಂಬಲ್ ಚಿತ್ರದಲ್ಲಿಯಂತೂ ಸತೀಷ್ ಒಳಗೆಂಥಾ ಅಪ್ಪಟ ನಟನಿದ್ದಾನೆಂಬ ಸತ್ಯದರ್ಶನವಾಗಿತ್ತು. ಆ ನಂತರದಲ್ಲಿ ಅವರ‍್ಯಾವ ಚಿತ್ರದಲ್ಲಿ ನಟಿಸಲಿದ್ದಾರೆಂಬ ಕುತೂಹಲಕ್ಕೆ ಉತ್ತರವೆಂಬಂತೆ ಅನೌನ್ಸ್ ಆಗಿದ್ದದ್ದು ‘ಬ್ರಹ್ಮಚಾರಿ’ ಚಿತ್ರ. ಅದ್ದೂರಿ ಚಿತ್ರಗಳಿಗೆ ಹೆಸರಾಗಿರೋ ಉದಯ್ ಮೆಹ್ತಾ ನಿರ್ಮಾಣದ ಈ ಸಿನಿಮಾ ಚಿತ್ರೀಕರಣ ವೇಗವಾಗಿ ಸಾಗುತ್ತಿದೆ. ಇದೀಗ ಬ್ರಹ್ಮಚಾರಿಯ ಮಜವಾದ ಹಾಡೊಂದರ ಚಿತ್ರೀಕರಣ ಅವ್ಯಾಹತವಾಗಿ ನಡೆಯುತ್ತಿದೆ.


ಇಡ್ಕ ಇಡ್ಕ ಒಸಿ ತಡ್ಕ ತಡ್ಕ ಎಂಬ ಈ ಹಾಡನ್ನು ತಿಂಗಳುಗಳ ಹಿಂದೆಯೇ ನವೀನ್ ಸಜ್ಜು ಹಾಡಿದ್ದರು. ಈ ಹಿಂದೆ ನವೀನ್ ಎದೆಯೊಳಗಿನ ತಮ ತಮ ತಮಟೆ ಹಾಡಿದ್ದರಲ್ಲಾ? ಅಂಥಾದ್ದೇ ಶೈಲಿಯ ಈ ಹಾಡು ಆ ಹೊತ್ತಿನಲ್ಲಿಯೇ ಒಂದಷ್ಟು ಸದ್ದು ಮಾಡಿತ್ತು. ಧರ್ಮವಿಶ್ ಸಂಗೀತ ಸಂಯೋಜನೆಯಲ್ಲಿ ಮೂಡಿ ಬಂದಿರೋ ಈ ಹಾಡಿಗೀಗ ದೃಷ್ಯ ರೂಪ ಕೊಡಲಾಗುತ್ತಿದೆ. ಕನ್ನಡ ಚಿತ್ರರಂಗದಲ್ಲಿ ಹಿಟ್ ಕಾಂಬಿನೇಷನ್ ಎಂಬ ಹೆಗ್ಗಳಿಕೆ ಹೊಂದಿರೋ ಕೊರಿಯೋಗ್ರಾಫರ್ ಮುರುಳಿ ಮತ್ತು ನೀನಾಸಂ ಸತೀಶ್ ಈ ಮೂಲಕ ಮತ್ತೆ ಒಂದಾಗಿದ್ದಾರೆ. ಮುರುಳಿ ನೀನಾಸಂ ಸತೀಶ್ ತಕ್ಕದಾದ ಮಜವಾಗಿರೋ ನೃತ್ಯ ಸಂಯೋಜನೆ ಮಾಡಿದ್ದಾರೆ. ಈ ಹಾಡು ಬ್ರಹ್ಮಚಾರಿಯ ಹೈಲೈಟ್ ಆಗೋದರಲ್ಲಿ ಯಾವುದೇ ಸಂಶಯಗಳಿಲ್ಲ.


ಈಗಾಗಲೇ ಬಾಂಬೆ ಮಿಠಾಯಿ ಮತ್ತು ಡಬಲ್ ಎಂಜಿನ್‌ನಂಥಾ ಹಿಟ್ ಸಿನಿಮಾಗಳನ್ನು ನಿರ್ದೇಶನ ಮಾಡಿ ಸೈ ಅನ್ನಿಸಿಕೊಂಡಿರೋ ಚಂದ್ರಮೋಹನ್ ಬ್ರಹ್ಮಚಾರಿಯ ಸಾರಥ್ಯವನ್ನೂ ವಹಿಸಿಕೊಂಡಿದ್ದಾರೆ. ತಿಂಗಳ ಹಿಂದೆ ಈ ಚಿತ್ರದ ಫಸ್ಟ್ ನೈಟ್ ಟೀಸರ್ ಒಂದು ಬಿಡುಗಡೆಗೊಂಡಿತ್ತು. ಅದರಲ್ಲಿನ ಕಾಮಿಡಿ ಕಿಕ್ ಕಂಡು ಸತೀಶಾಭಿಮಾನಿಗಳೆಲ್ಲ ಖುಷಿಗೊಂಡಿದ್ದರು. ಬ್ರಹ್ಮಚಾರಿ ಕೂಡಾ ಅಂಥಾದ್ದೇ ಮನೋರಂಜನಾತ್ಮಕ ಚಿತ್ರ. ಪ್ರತಿಭಾವಂತ ನಟಿ ಅದಿತಿ ಪ್ರಭುದೇವ ಈ ಚಿತ್ರದ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಯಾವುದೇ ಚಿತ್ರವನ್ನಾದರೂ ಪ್ರತಿಯೊಂದ ಹಂತದಲ್ಲಿಯೂ ಜೊತೆಗಿದ್ದು ರೂಪಿಸಿಸೋ ನಿರ್ಮಾಪಕ ಉದಯ್ ಮೆಹ್ತಾ ಬ್ರಹ್ಮಚಾರಿಯನ್ನೂ ಕೂಡಾ ಅಂಥಾದ್ದೇ ಆಸ್ಥೆಯಿಂದ ನಿರ್ಮಾಣ ಮಾಡಿದ್ದಾರಂತೆ.

[adning id="4492"]

LEAVE A REPLY

Please enter your comment!
Please enter your name here